" أمثال مصرية ودت المصريين في داهية " واليكم اكثرها كارثة

تحياتي لكم وأسعد الله مسائكم جميعا ... حلقة برنامج اليوم عن " أمثال مصرية ودت المصريين في داهية " واليكم اكثرها كارثة :
" اللي نعرفه احسن من اللي ما نعرفوش " للاسف هذا المثل قام بتدمير حياة الانسان المصري من جميع النواحي واليكم التفاصيل :
الجانب الاجتماعي : تجد دائما ابن العم هو العريس المفضل لاي انسان لابنته مهما كان سيئا أو عدم رضا العروسة ولو سألت ابو العروسة عن ذلك يقولك " اللي نعرفه احسن من اللي ما نعرفوش " .
الجانب السياسي : تجد دائما الصوت الانتخابي الي الأقرباء الي احد الجيران حتي وان كان فاسدا أو من الفلول كما يقال هذه الأيام وان سألت عن ذلك يقولك " اللي نعرفه احسن من اللي ما نعرفوش " .
الجانب الاقتصادي : تجد عند نجاح مشروع مع أحد تجد جميع الناس تتجه الي نفس المشروع وان لم يكن لديه الخبرة في ذلك وأظن مشروع التكتك أوضح مثال علي ذلك مع ان كده اكيد سوف يفشل .. ولو سألت عن كده يقول " اللي نعرفه احسن من اللي ما نعرفوش " . ............. الخ .
........ولكن لعل اوضح مثال عن تدهور حياتنا بهذا المثل هو بقاء الرئيس السابق في الحكم لأكثر من 30 عام ولو اترشح الدورة الجاية سوف ننتخبه ولو سألت نفسك ليه هتقول " اللي نعرفه احسن من اللي ما نعرفوش " ...... حتي انا لو سألتني ليه نشرت ده علي الجروب ده هقولك " الجروب اللي نعرفه احسن من اللي ما نعرفوش " .
وتقعدوا بالعافية ..

حقوق النشر محفوظة

Posted in: امير تايوس